चितवन । मुग्लिन–नारायणगढ सडकखण्डको १७ किलो क्षेत्र नजिक शुक्रबार एक मोटरसाइकल दुर्घटना भएको छ। मुग्लिनबाट नारायणगढतर्फ गइरहेको लु ३२ प २१६५ नम्बरको १५० सिसी पल्सर मोटरसाइकल अनियन्त्रित भई सडकमा लड्दा चालक घाइते भएका हुन्।
प्रारम्भिक जानकारी अनुसार तीव्र गतिमा रहेको मोटरसाइकल मोड पार गर्ने क्रममा नियन्त्रण बाहिर जाँदा दुर्घटना भएको बताइएको छ। घाइते चालकको स्वास्थ्य अवस्थाबारे विस्तृत विवरण आउन बाँकी रहेको जिल्ला प्रहरीले जनाएको छ।
दुर्घटनालगत्तै स्थानीयवासी र प्रहरीको सहकार्यमा घाइतेलाई उद्धार गरी नजिकैको स्वास्थ्य संस्थामा उपचारका लागि पठाइएको थियो। घटनाका कारण केही समय सडकमा सवारी आवागमन सामान्य रूपमा प्रभावित भएको थियो।
प्रहरीले घटनाको कारणबारे थप अनुसन्धान अघि बढाएको जनाएको छ।
स्रोत : सौर्य दैनिक
