शिलादीप खबर न्युज डेस्क,
असोज ०८ गते,बुधबार ।
सर्लाहीको ईश्वरपुर नगरपालिका–१३ स्थित बाँके जंगलको दोस्रो लच्का नजिकै बुधबार दिउँसो यात्रुवाहक बस र चामल बोकेको ट्रक आपसमा ठोक्किँदा ११ जना घाइते भएका छन्।
घाइतेमध्ये केहीको अवस्था सामान्य रहेको र उनीहरूलाई तत्काल उद्धार गरी बर्दिबासको शुभस्वस्तिक अस्पताल तथा लालबन्दीस्थित मोडल अस्पतालमा उपचारका लागि पठाइएको जिल्ला प्रहरी चौकी फुलजोरले जानकारी दिएको छ।
प्रहरीका अनुसार काठमाडौँबाट विराटनगरतर्फ गइरहेको बागमती प्रदेश–०१–००६ ख ६३०६ नम्बरको ‘समय’ यात्री बस, जसमा ३९ जना सवार थिए, र महोत्तरीको रामगोपालपुरबाट भैरहवा जाँदै गरेको ना–६–ख २९२८ नम्बरको चामल लोड ट्रक एक–आपसमा ठोक्किएका थिए। ठक्करपछि दुवै सवारी साधन बाटो छेउतिर पल्टिएका छन्।
घटनाको जानकारी पाएपछि पाँच जना प्रहरीको टोली तुरुन्तै घटनास्थलमा खटिएको थियो। सडक अवरुद्ध नभएको र थप अनुसन्धान भइरहेको प्रहरीले जनाएको छ।
घाइतेको विवरण
शुभस्वस्तिक अस्पताल, बर्दिबासमा उपचाररत :
लाल कुमारी श्रेष्ठ (४०), मोरङ, रंगेली नगरपालिका
युनिशका राउत (१५), मोरङ, रंगेली–९
सविता रेग्मी (३९), मोरङ, विराटनगर–३
प्रिसा भट्टराई (८), मोरङ, विराटनगर–३
रामशरण मण्डल, भारत (हाल काठमाडौँ बसोबास)
लोक बहादुर विक (५२), मोरङ, कोशी हरैचा–९
मोडल अस्पताल, लालबन्दीमा उपचाररत :
सविक्षा राई (२९), मोरङ, विराटनगर–४
चालक तथा सहचालक
ट्रक चालक : राजु चौधरी (२६), सर्लाही, हरिपुर्वा–८
ट्रक सहचालक : महेश महतो (२७), धनुषा, क्षिरेश्वर–७
बस चालक : प्रेम कोइराला (४०), मोरङ, विराटनगर–३
बस सहचालक : जनक चौधरी (४६), मोरङ, बेलबारी–४
