प्रधानमन्त्री कार्की आज साँझ राष्ट्रका नाममा सम्बोधन गर्ने

काठमाडौं — प्रधानमन्त्री सुशीला कार्कीले आज साँझ पहिलोपटक राष्ट्रका नाममा सम्बोधन गर्ने भएकी छन्। जेनजी विद्रोहपछि गठन भएको अन्तरिम सरकारका तर्फबाट उहाँले बिहीबार साँझ ६ बजे सम्बोधन गर्ने कार्यक्रम तय भएको प्रधानमन्त्री तथा मन्त्रिपरिषद् कार्यालयले जनाएको छ।
सम्बोधनमार्फत सरकारले आगामी दिनका प्राथमिकता र प्रतिबद्धता सार्वजनिक गर्ने अपेक्षा गरिएको छ। गृहमन्त्री ओमप्रकाश अर्यालको नेतृत्वमा सम्बोधनका लागि आवश्यक तयारी भइरहेको स्रोतले जानकारी दिएको छ। मुख्यसचिवसहित केही सचिवहरू समेत तयारीमा संलग्न छन्।
यसअघि दिउँसो मन्त्रिपरिषद्को बैठक बसेर सरकारको कार्ययोजना र सम्बोधनको विषयवस्तु टुंग्याइने भएको छ।