प्रदीप सम्राट, रौतहट ।
असोज ०२ गते,बिहीबार ।
सर्लाही जिल्लाको हरिपुर्वा नगरपालिका–५ संग्रामपुरमा मोटरसाइकल ठक्करबाट एक वृद्ध पैदल यात्रीको मृत्यु भएको छ ।
मृत्यु हुनेमा सोही ठाउँका ६८ वर्षीय गजेन्द्र साह रहेका छन्। बिहीबार साँझ बाँकेबाट संग्रामपुरतर्फ जाँदै गरेको बीआर ३० एइ ८२२० नम्बरको मोटरसाइकलले संग्रामपुर बाँके सडकखण्डमा साहलाई ठक्कर दिँदा उनी गम्भीर घाइते भएका थिए ।
घाइते साहलाई तत्काल उपचारका लागि प्रादेशिक अस्पताल मलंगवामा पुर्याइएको थियो। तर, चिकित्सकले उनलाई चेकजाँच गर्दा मृत घोषणा गरेको जिल्ला प्रहरी कार्यालय सर्लाहीले जनाएको छ ।
उक्त मोटरसाइकल चालक पर्सा गाउँपालिका–५ निवासी २४ वर्षीय श्रवण कुमार साहलाई प्रहरीले नियन्त्रणमा लिई थप अनुसन्धान सुरु गरेको प्रहरीले जानकारी दिएको छ ।
